Kum 2023 hi Myanmar rampi thuthawn pehpar in thinlung tak ih ngaih ven tul kum a si. A ra dingmi August thla hi rang pakhat lawng a tel dinmi zuamawknak hrilawknak a um ding tin mi tam awn ih zum mi a si. Hi hrilawknak result hi leitlun ram kilkip, ahleice in UN vek ih pawlkom pi hrang khawruah harza a si ding ti cu a fiang ko.
Hrilawknak ah SAC aoczah in nehnak an co asile aheice in Nitlaknak ram pawl in SAC le a rualpi dang pawl cu nasa tak in lehrulnak an nei ding.
Curuangah kum 2023 kum hi Myanmar le Thailand ramhnih karlak pehtlaihnak hi a harsazet mi kum tin khal ruah theih a si.
Ramri zawngin hla zetzet mi ramdang pawl in Myanmar ram nasa tak ih an ngaih ven lai ah Thailand ram ih danglamnak cu Myanmar thuthawn pehpar in ramri rualpi tha pakhat dinhmun in a um.
Ram hnih karlak Km 2400 hla tawm aw mi Thailand ram cun Nyipidaw SAC cu nasa tak in hremnak a pe thei ko nan a tuah lo hleiah SAC do in Democracy cangvaihnak a nei tu pawl khal zianghan a bawm thei lo.
Asinan Thailand le Myanmar cu acozah thuneihnak lantahrat in ram hnih pehtlaihnak tha an nei. Thailand acozah le Thailand ralkap cu Myanmar ralkap acozah le zalennak sual rero tu tlangpar mi kar lak remdaihnak um dingih lairelnak ah an tel.
Ramhnih ramri cu minung million tel in ramkhel ih cangvaitu le tlangpar hriam kai pawl, mah le nuntu khawsaknak hawltu mipi tampi an relhnak hmun a si.
Curuangah Nyipidaw acozah dinhmun in mai ramsung mi a mipi nasa tak in a kap asile Thailand cun asilo bik a rak kham a tul. Myanmar rampi sungah minung 2273 cu ralkap ih thuneihnak an lak ihsin an thi zo ih amal bik 15400 tuk an kai zo.
SAC in thuneihnak an lak ihsin Thailand ramleng pehtlaihtu vuanci le Deputy Prime Minister Don Pramudwinai le hotu pawl cu Niyidaw ah tu le tu a thlawng. Kan dung thla khal ah remdaihnak hrang lairelnak neih a si le Myanmar, Lao le Canbodia palai pawl an tel. an lairel cat mi cu February thla cem ah thu suah ding asi.
Thailand ram cun theihthianak thawn kum hnih sung a rak fehpi rero nan zianghman rah a nei thei lo. Curuangah Thailand acozah cun kiangkap ram hrang harsatnak pawl bawmnak ding lamzin a hawl suah caan a cu zo.
Thailand acozah cun tuini tiangah ralkian pawl a thei tawk in dinhmun pakhat tiang a bawm ko nan ramsung ramleng NGO pawl thawn kom in bawmnak nasa tak a tuah bet a tul.
Ramkhelhnak ih cangvaitu pawl an tlun theinak ding Thailand acozah cun thlang thannak a nei zo ih Asian khawmual ih rampawl khal in hivek ih tuah dingin a forhfial a tul. Asianan Myanmar SAC cun ram khelhnak ih cangvaitu le duhphorhnak neitu pawl cu an that. Curuangah mah le khua le ram ih kuat salnak hi milai covo pahbal pakhat a si.
Myanmar ram hnen Thailand cun Myanmar ram ih harsatnak cemter dingin minung zuarnak le cuvek lam thawn pehparmi harsatnak pawl cingfel dingah lairel tonkhawmnak tuahnak le humanitarian thawn pehpar in tuahdingmi bomnak pawl hoha ih tuah in leitlun theih ih pholangnak tuah a cu zo a si.
Thailand acozah cun Myanmar ramsung buainak ih thawng tla tu le Daw Aung San Sukyi a zzlen theinak ding hrang tawlre pi thei tu dinhmun ah an um.
Ahleice in Thailand ram cu ramhnih pehtlaihnak karlak kilhim ding in Myanmar ram sungih a thu pi zet mi PTT Group Company pakhat thatnak hrang lawng ruat lo in mi tam sawn thatnak ding hrang a tuahnak cu leitlun pi a hmuh ter a cu.
Bangkok Post Editorial