The Rihli Voice
January 5, 2022
SAC in thuneihnak a lakhnu suahpuh a tongmi minung 7012 cu kan suah dingin SAC in thu a suah nan thuneihnak hramhram ih la misualral SAC cun ramdang ruahnak (hminthat duh) hruaikawi dingin a hmin in thawngtla a suah tin AAPP in January 4 ah thu an suah.
Mani thawngtla suak dinhmun thawn pehpar in cazin tuah rero lai a si tutiang ih thuhla theih mi ah thawng inn 19 ai mal lo ihsin ramkhel ruangih thawngtla 200 lenglo an suak ti theih a si ih, an hmin thawn cazin lak thei mi 43 si in a dang khal cazin khawl rero lai a si tiah an sim.
Ramkhel ih thawngtla bawmtu pawl (AAPP) Sungtuan U Tik Nai cun “SAC in thawng inn in mi an suah ti an sim nan tuini ramkhel ruangih an kaih mi 22 an um ih cumi sungah kahawknak suak tambik hmun Sagaing ram then in an si” tiah a sim.
Kum 2021 ralkap thuneihnak an lak in 2023 January 4 tiang kaih a tongmi 13356 an um ih cumi sungah 1923 pawl cu sualpuh ih thawng thlak an si tin AAPP hminsinnak in theih a si.