(thazang peknak)
By Chin Lung Thin
Kan Chin ram le miphun duhdawt in CNO/CNDF a rak ding hi kan lungawi in kan miphun le ram a hna ngam in a thla a muang zet a si. Hruaitu le ram duhdawttu pawl ih thutha ruahnak le ngaihtuah thiamnak ih din suahmi a si ti kan thei tik ah hruaitu le ram hrang pe aw tu kan lo upat.
Kan Chin ram le miphun “sut pi ban, nan sinak hi kaihnget ih fehpi vivo ding ah le khauh khah zet ih ding suak vivo ding ah duhsaknak ka lo hlan ih thlaza khal ka lo camsak. Cui ka thlacamnak hlawhtling tirtu ding ah CNO/CNDF hi kan biak cung Pathian in thlawsuah hmuifu nan tlun ah lo pe vivo hramseh. Ram le miphun dinsuaktu sihram uh law.
Kan Chin miphun hi a hmaisabik ah Pathian ih hlawhtlinnak pek kan tul ih Pathian ih a tan mi cu David in Goliath a neh tik ah Goliath ih namsau in a lu a tansak. Pathian kan lam ih a tan ah cun kan ral pawl ih neihmi hi kan mai ta ah an cang ding.
Kan Chin miphun na duhdawt ruang ah vei tampi na tah can a um ding. Na ti a hal caan a um ding. Vei tampi na ril a rawng ding, na bei a dong ding, a can len mi relsiat na tuar ding, a can le mi lawm na hlawh ding. Cui can ah thu tampi na ruat ding ih ziangruangah hi hna ka tuan, ziangruang kei hin ka tuarbik ti ah thu tampi na sutaw can le ban leh tuan nawnlo na duh can tamzet a um ding. Hi pawl hmuahhmuah ih a san nak cu “Chin Miphun na duhdawt tuk ruang ih na tuarnak a si kha hngilh hramhram hlah. Tui na dinhmun hi mi zaran tlun ih thil tuahmi ti kha Ram le Miphun hrang ah hngilh hram hlah. Na tahnak mitthli hi lungawinak mitthli ah Bawipa in cantir hram seh. Chin Miphun hnuk, thaw, na si kha…..
Chin Miphun hi miphunte kan si lo miphun tumpi kan si. Ramdang le hmundang ah then dar men kan si. Baible : 1 sansiarnak 19:13 Cakzet le raltha zet in um aw. Kan miphun le kan Pathian ih khawpi pawl hrang ah na sa tak in kan do pei. Bawipa ih duhnak vek in siko seh, ti ah a ti.
Kan Chin ram ah nangmah hmang in Bawipa duhnak theng hram seh…