UN General Assembly ah Leitlu ram hruaitu pawl thu simnak nei

UN General Assembly ah Leitlu ram hruaitu pawl thu simnak nei

UN General Assembly ah Leitlu ram hruaitu pawl thu simnak ah UN Sungtuan bawi in Myanmar ram thu khal a sim tel.

Cui thusimnak ah Myanmar telin leitlun pumhuap buainak hmun hrekkhat pawlah thahrum hmannak le mangbang vansang an ton laiah UN in tawlrelsak dingmi kan pelh a si tin secretary Antonio Guterres (General of the United Nations) cun a sim. Ukraine ralbuainak, Gaza le Israel-Lebanon ramri buainak khal a haih lang. Leitlunpi daihnak hngong rero mi pawl hi zoh men a ngah nawn lo tin a sim tel.

UN General Assembly ah President telin Leitlun pumhuap hruaitu pawl an kai ih cutawk thusim thokni ah UN sungtuan Guterres in a sim. Gaza buainak telin leitlun ih ton rero mi buainak pawl khal cinfel thei lomi si lo in, cingfel ding kan pelh sawn a si.

UN General Assembly Covenant catlang milin ramtin dan hrampi pawl upat ding, ramtin court pawl ihsin thuthennak hnget zetzet in thutitluknak tuah in milai canvo thangsoh nak lam pan vivo theinak ding rori khal ngai poimawh ding, tuan sun zawm ding ti pawl a sim.

Cuvek thotho in American president Joe Biden khal in leitlun ih a cang rero mi daihnak hringhro rero thuhla thawn pehpar in hi thil pawl a sim. Thusim hram a thok nakah General Assembly tuvek can ih American President dinhmun in ka sim netabik ding a si tin a thok.

Ukraine pawl ramri lan ih va kap rero tu Russia ih ral-South China in tipi (Sea) lai fang ah thua aw ding ih a ngiarnak thu pawl a sim. America dinhmun in Taiwan island parah military vekih hringhro awknak pawl kan duh lo ih daihnak le rualremnak kilkhawi thei ding sawn in kan zuam ding a si. Israel dinhmun in an ram mah le mah kilhim awk theinak an nei.

A thangso deuhdeuh mi AI (Artificial Inteligence) ih thathnemnak leh tihnunnak thu. Cupawl a sim hnu ah, mipi duhdan hi kan mah i power neih theinak ding hnakin kan ngai poimawh ih kan tuanțul mi a si sawn tin Joe Biden in a thu netnak ah a sim.