Thlitha a niam thlang ko nan, Helene thlipi tihnung a um lai
America, Florida state cu nili (Thursday) zanlam deuh ah a cakzet mi Helene hurricane thlisia cu September 27, 2024 friday ah moth storm tluk fangah a tla niamsal zo ko nan, a tihnung um lai thotho.
Florida state ihsin parlam Georgia state lam panih a hrang mi thlipi lamzin kip cu thihnaktlak tihnung dinhmun ah a um lai a si tin American National Hurricane Center in ralrinnak a pek ih feet 10” hnak mal lo Big wave, flood thlipi in a then suk a then so rero lai thu khal a tarlang.
Florida state sung thlipi hrangnakah mi pakhat ai mal lo thi um thu State governor in a sim. Florida ih hurricane thlipi hrang level 4 hrawng Tampa City lam a lut lai ih thlihrang dan dinhmun pawl tla an sim.
Cumi ruangah september 26 ihsin tlawng-inn leh Airport khal khar a si. A tufang thlipi in a luhhnawh nak hmun Georgia state ah cun a hran pek te hrawngah thlisia ruangah mi pa hnih thi an um tin State governor Brian Kemp in a sim. Thlipi ruangah meisa hri pawl a siat ih Sign board pawl khal a hlon thla reirei. Cun Florida state, Georgia state leh thlipi lamzin tluan ih a um mi Carolina state ah mipi 2,000,000 tluk hrawng cun Electricity an ngah lo phah.