A Thiangfaimi Tidai (Water Sanitation)
A tiangfaimi tidai timi cu a nawi lo, rong nei lo, rim nei lomi le harhdamnaklam a siatsuah theitu nat-hrik le thil dangdang tel lomi tidai a si.
Leitlun harhdamnaklam pawlkompi (WHO) ih thanmi ah, leitlun mipum 1.5 million pawl cu tidai thiang in ding daih-awk lonak ruangah an thi. Boruak sattuknak hmun le tiliannak hmunah tidai a baal theh thei ruangah kumtin tithiang in ding thlasam in an um.
Ti baal in ruangih a cang theimi nat pawl
1. Tiihri, Sungdok, Ril thlingnat, Santen nat le adang pumlam nat pawl
2. Zeng nat (Polio), thin thling nat le a dang a suan-aw theimi nat
3. Natkhawm theinak mal le vitamin tlaksam nat
Tidai baal lonak dingah
1. Tivate, tivapi, tikhawlnak le ticawm pawl thiangfaite’n kilkhawi ding.
2. Tidawhhna ah kholh-awk lo ding, hni-puan sawp lo ding.
3. Tidawhhna ah ramsa lut thei lo dingin kilkawi ding.
4. Tidawhhna thawn pi (50) hlat nak lawngah ek-inn sak ding.
Tidai thiang ol-ai-te’n tuah thei daan pawl
1. Tidai so ko suang ding.
2. Tidai thiangternak sii (Chlorine) hman ding.
3. Nisa lakah tidai pho ding (a faimi buur, palang thawn nazi (10) sung pho ding)
A thiangmi tidai khawl daan
1. A faimi le sin neimi buur, palang le tipung ah ret ding.
2. Tidai khawlnak pung sungah thil dang zianghman luhter lo ding.
3. Tichawm ih tidai kut thawn duhduh in tham lo ding.
Tidai thiang a harnak hmunramih na um asile a nainakbik ih tidailam zohthiam pawlkom hnenah bawmnak dil ding.
Credit : Chin Telehealth