Rawl ei-sual (rawl-tur) timi cu bacteria, virus, fungus, parasite pawl le tur a telmi rawl kan ei ngah tikah kan taksa sungih natnak rak khamtu (nathrik raldo tu/ralveng hrik) pawl thawn an sual-awknak ruangih a cang mi asi. A thiangfai lomi lamzin kap rawl a ei theutu pawl le ei-in bang-awk lonak hmun ramih khual tlawngtu pawlin a hleice in an tuar tambik theu.
Nat pianhmang pawl
Luaksuak
Sungdok, pumnaa
Lu-zing, lunaa
Taksaa
Ruangpum ih a tulmi tidai sungral
A cangtertu
Kutkholh loin ei-in ruangah
A balmi le a tawt-ruai mi ei-in einak ruangah
Ei-in timlam tikah faite’n kholh lo ruangah, hnahhring faite’n kholh loin a hring ih ei ruangah
A kham-awk daan
Ei-in timlam hlan le rawl ei hlan tinte’n faite’n kut kholh ding.
Bungbel pawl faite’n kholh ih ret ding.
Rawl suannak coka sungah thothe, zinghnam, cukcu le adang ramsa pawl lut thei lo dingin ralring ding.
Ei-in faite’n kholh ih ei ding, a hel (a cu lo) mi ei lo ding. (thimnak; Sa a phunphun) .
Reituk retmi rawltthing ei lo ding.
Ni a luan zomi rawl ei lo ding. (thimnak; Readymade)
Nat pianhmang pawl tuar tikah tthen khat cu ni malte sungah a mahte’n a damsaal theu, asinan nat a luar ahcun nunnak liam tiangin tihnung a si ruangah harhdamnaklam tuanvo neitu hnenah zamrangte’n tuamhlawm-awk lohli a tul.
Thazaang a nei malmi nauhak pawl, naupai pawl, kum upa pitar/putar pawl le nat kham theinak (immune) tha lo nat a neitu pawl hnenah nat a luar thei.
Crd : Chin Telehealth