Tha a cakzet mi Milton Thlisia ruangah Southeast Florida ah ruahpi sur in thil napin a hran thei ih ralring cio ding in an than ruang ah timlamnak an nei rero a si.
Nithumni zanlam asilo le nili ni zinglam ah thlisia cu Florida thlanglam-thlanglam tipi kiang tiang a thleng thei tiah nikhua zohtu pawl in an sim. Thlisia a hran nakding hmunpawl lakah Tampa Bay, minung 3.3 million umnak khuapi khal a tel.
US Hurricane Center cun Milton hin Florida Midwest region ah thlisia luarbikmi record a si thei ding. Hurricane center in thlisia natuk in a hran ruangah Florida thlanglei tipi kiang 500 kilometers ah Sea level hi meter 3 inches ihsin 4.5 inches tiang a kai so thei bakah 6 inches in 1 ft tiang ruah a sur thei tiah an sim. Hurricane Milton cu Category 5 thlisia a si ih suimilam pakhat ah peng 160 hnakih tam a hrang thei.
Florida Gov. Ron DeSantis cun thlisia hrang thluh hnu ih thilrisiat le hnawm hlon tu ding ah Homeland Security minung 8,000 hrawng cu an ralring cia tiah a sim.