Tlangrai nat timi cu virus nathrik ruangah a cangmi a siih thawthawtnaklam thawn a pehpar mi le suan-aw olzetmi nat a si. Leitlun ah a cang tamzetmi nat a siih amahte’n a damsaal thei ko nan nat a luar ahcun nunnak tiang liam thei a si ruangah daithlangsan men ding a si lo.
1. Taksaa
2. Hnapti dok, Hatchiau
3. Khuhkhuh
4. Dang naa/ Hrok naa
5. Lu naa
6. Taksa naa, tha zawng
Tlangrai nat kham daan
1. Tlangrai nat kham sii dawt ding.
2. Dam lomi pawl kiang naite ah um lo ding.
3. Kut baalpi thawn mit, hmai, hnar, kaa pawl tham lo ding.
4. Mai’ inn ah dam lo an um asile an hmanmi thilri pawl faite’n ret ding.
5. Tu le tu satpia thawn faite’n kut kholh ding.
Tlangrai nat kaingah asile,
1. Tidai tampi’n in ding, inn ah cawl ding.
2. Hatchiau, khuhkhuh tikah hnar le kaa kha tissue (lole) kiu thawn hup ding.
3. Satpia thawn faite’n kut kholh ringring ding.
4. Hardamnaklam tuanvo neitu ih pek lomi antibiotic sii ei lo ding.
5. Thitha malmi pawl cu harhdamnaklam tuanvo neitu hnenah tuamhlawmawk ding.
Thawthawt har/ thawsam, taksaa sang, mah le mah thei-aw lo, lungvaivuan tivek pawl …pianhmang tuar asile harhdamnaklam tuanvo neitu hnenah zamrangtein feh lohli ding.