Siatsuahawk hnu a cangmi thinlung dam lonak timi cu hmuhtonmi pakhat khat ruangih a sulhnu a cangmi thinlung dam lo nak a si.
– Taksa ruangpum lam asilole nu le pa sinak lam namnuai tuarnak
– A luarzet mi rilhbahnak (Accident) tonnak
– Ral doawknak ih tel dahnak
– Thilri (Thimnak; Meithal) thawn hringhro tonnak
– Inn kaang (Inn luanglu sunral)
– Harnak dang a phunphun (Thimnak: tilian, thlisia hrang ..etc)
– Mithi ruak hmuhtonnak pawl
Siatsuahawk hnu ih thinlung dam lonak a tongtu pawl ih hmuhtonmi pianhmang pawl,
1. A tharthawh ih hmuhton sal
. Hmuhton dahmi pawl ruat kir rero salnak
. Cinken mi thilmak zetzet pawl ruat sal ih a thar ih tong vek ih ruat
. Mangsia man
2. Hrialnak
. Hmuhton dahmi pawl ruat salnak le rel salnak pawl hrialnak
. Hmuhton dahmi pawl a suahter sal tu minung, hmunhma, kiangkap pawl hrialnak
3. Thinlung ih ruahnak pawl a tha lo lam ih thlengh danglam
. Thinnau ol, thin rang
. Mah le mah sual ih hmuhawk nak
. Ningzaknak
. Kiangkap pawl thawn hlat vek in ruat
. Tuahtuanmi ah thinlung pek thei lonak
4. Anetabik ih a luarzet mi pianhmang
. Thil pakhat khat parah lungkhongh (Lungruh)
. Ralring luan
. Thuruah theinak tlaniam
. Harsatnak thleng ding ih ruat ringring
. Zaan it-that thei lo
Hi mi pianhmang pawl an si.
Hi natnak hi a cang tamzet mi asi. Mifim pawl ih tahnak in nunau pawl hnen ah a cang tam. Kum upa nauta ti lo in a cang thei. Hauhak pawl khal ah a cang thei.
Siatsuahawk nak hnuthlun thinlung dam lo mi pawl ziangtin thazaang kan pek ding?
1. Dam lo mina ih thinlung ruahnak theih a tul
2. Dam lo mi le a kiangkap um mi minung pawl thawn remcang ding in zamrang ten tuah sak ding.
3. A tul ahcun a thiammi sibawi pawl hnen ah tuanten tuamhlawmawk nak lak ding.
Crd : Chin Telehealth