Lungawinak ni a thlang thei lo,
Riatsiatnak cu thli bang a hrang
Zing dang ah cu Falam pi cu,
Cumci, mero in mawi sisiar in an rak thuam
Tui zingah cun Falam pi cu,
Cumci le mero lawng si nawn lo in
Tih nung zet mi mei sa khu in,
Dum rihriah in a zeel theh maw..
Thlalau zet le thin phang zet in,
Kan vak kan tawi maw Falam fa
Tah thawng a thang Falam pi ah,
An nun a liam meisa sung ah
Biang sum par ah mithli a luang,
Kan ai kan hram Falam mipi
Ar fano bang kan vak kan vai,
Cung zing nu aw na zaa in saan hram law
Na thawng vang in thlang deng a khawk,
Lei killi tiang na thu a thang
Thla vai a kiang nang mah ruangah,
Kan tuar thiam lo…. maw Falam aw..
Ni Lian