Maw Falam ..... (Tuar nat nak biazai)
Hrin hniang zaa ih kan sulphum nak,
Kan duhdawt mi Falam pi ah
Daih nak leng seh hna ngam nak thawn,
Senmawng zaa in thlazaa kan cam
Zaan thim sungih tih le lau nak,
Kan vansiat nak khua dur tla cu
Thlisia lak ah tlan hlo theh seh,
Na fale in saduh kan that
Na hrin suah mi fahniang za in,
Na parmawi nak tlan hrih kan duh..
Muupi bang tha zaang thar la in,
Cerh lian Ni Nu bang hung tleu sal law…
Theih thiamnak cu Ni bang thlang in,
Duhdawt nak khal par bang par seh
Zangfah nak cu kai nget sin in,
Zawnruatnak cun hmai hruai hram seh law…
Ni Lian