Kan nitin nunnak ah lotheihlo ih a tulmi bulhram (basic needs) pawl cu ei le in, sin le fen le umnak inn pawl an si. Zanvar kan it ih khua a rung van in innsang nu bikin innsungsang hrang ei ding in ding a buaipi. Cumi ah tidai hi a tel ve.
Kan taksa pum ih 70% hi “ti” a si. Nikhat ah tidai khuat 8 kan in a tul. Kan in mi tidai a thianghlim lo a sile sungdok, tihri, santen, taifot le sunawk theimi natnak pawl a cangtir thei.
Tidai sung ah mit menmen ih hmuh theilo mi rulcawng pangang phunphun an um. Cui pawl in kan hrahdamnak in siatsuah. Suanawk theih natnak a suak ter. Tilva na pawl ih zun le ek pawl ti sungah a tel le natnak pangang tampi an tel. Rulcawng pangang telmi tidai kan in le taksa sung ah an thleng ih natnak phunphun a suak.
Ti a lian, Ti a lik tikah natnak a tam theu.
Tidai sung ah leisungsuak thilri pawl a thianghlim lo mi a telih cumi pawl tel ti kan in a si le sungpit, Awrpaw le dang (hrok) lam natnak a suak tir. A hleice in tlangpar ram ah a si theu.
Hmunrawn khawte lamah tili pawl cu thinghnah hrampi pawl in an khuh theu ih ni a ngah lo, thli a ngah thalo ih tidai cu a rong, a rim le a thawtnak a ti danglam. Cumi tidai kan in rero taksa hrangah a tha lo, a siatsuah thei.
Ca ngantu : DKK