Young Mizo Association (YMA) cun lehlam ram ihsin SAC ralhrang ih uknak an lak hnu ramsung ih rabeutu Myanmar mipi pawl umnak hmun pe ding in Beunak hmun pawl thaten ret ding in Mizoram a cozah hnen ah an dil thu Northeasttoday in November 29 ni ah an tarlang.
A tu dinhmun ah cun 2021 February thla ihsin thokin Mizoram hmuntin ah Myanmar mi 30300 luan an ra beu a si.
Myanmar pumpi ah dawrhzet ih umnak in kilhim in a thami Beunak hmun pawl din ding in Ramkulh a cozah hnen dil ding in a liamcia November thla ah pawlkom in thu an thencat thu Central Young Mizo Association (CYMA) Sungtuan Lalnuntluanga in a sim a si..
Rakhine Ramkulh hmuntin ih Beunak hmun pawl le khawte ih umtu Myanmar ram mi pawl cu hmailam ah buainak nasaten an tong thei tin a simbet.
Myanmar mipi pawlcu Ramsung hmuntin ah an um ih a hranten hmun pakhat ih um a tul ruang ah a cozah in fiangzet a tul tin pawlkom in thu an thencat.
Ramsunglam Tlangbawi zung in thuneitu pakhat in “Hmunpi a cozah ihsin bawmnak sumpai kan ngahlo tik ah Beunak hmun pawl ziangtin sak in cutawk ah Myanmar mipi pawl bikhiahnak ziangvek kan pe ding. Cumi khal a cozah hrang ah phurrit tumzet a si lai ding”tin a sim.
Cui hleiah Pengpi dinhmun a si lole khawte khawhlawm dinhmun Comitee cu Myanmar ram mi pawl thawn pehtlaihnak ah a bangawlonak hmun pawl ih kan um tik ah olzet ih khawkhan ding ah an harsat thu theih a si.
Mizo ramkulh ih Pengpi 11 ah October 22 tiang a ra beutu mipum zaten 10013 le nauhak 10013 telin Myanmar ram mi 30385, Beunak hum 160ah an um ih khawsung ah 17157 an um tin Ramsunglam tlangabwi zung ih thuthan vek in theih a si.
Ralhrang in uknak an lak hnu Mizo ram pengpi 11 ah Myanmar ralkian mipi 29532 luan cu inn le lo tan in beunak an dilmi cazin vek in theih a si ih cui lak ihsin a tam sawn cu Myanmar ram, Chin Ramkulh le a dang ramhrin mihun thawn a pehtlaihnak a neitu Mizo miphun pawl an si. Ralkian tamsawn cu camp ah an um ih thenkhat cu an sungkhat pawl thawn innsang in an um a si.
