Thailand Ram nisuahnak saklam Nong Bua Lan Phu ih sun nauhak kilkhawinak Center sungah mani ah kahawknak a canghnu october 7 ah cun a thimi nauhak pawl ih nu le pa pawl in an fa le ih an duhzetmi naute lem pawl cu caanhmannak hmun ah an keng ih an fa le pawl ih thlankuang sung ah an ret sak.
October 6 sunhnu ah Thailand ram nisuahnak saklam Nong Bua Lan Phu ih sun nauhak kilkhawinak Center sung ah Palik tuandah Panya ih kapnak ruang ah nauhak pawl telin 37 an thi ih a thitu lakah nauhak a malbik 22 an tel tin Thailand palik bur in an sim.
Meithal kaitu Panya cu inn a tlung ih a nupi le a fa khal a kap that hnu a mah le a mah a kapthataw Palik pawl cun an sim. Panya cu rittheihsii hmannak ruang ah a liamcia June thla ah hnatuan an rak suah ih tuini ah Cumi case hrang ah thuthennak zung feh a tul ruang ah a thinhar a si ding tiah Palik pawl cun zumnak an nei.
Photo: Credit