Ministry of Electricity and Energy le Ministry of Construction ihsin CDM tuahtu nica hnatuan pawl cu permanent hnatuan ah an nemhnget tiah NUG ih Ministry of Electricity and Energy cun Union Minister U Soe Thura ih hminkhen thawn thupek thannak ca an suah.
Suamhmang SAC ralhrang in hriamhrei thawn rampi thuneihnak diklo zet ih an lak thok ihsin rampi sung ih um mipi lamtang cozah hnatuantu pawl cun thahrum hmang lo mi duhphorhnak le dokalhnak (CDM) thawn ralhrang thuneihnak dokalhnak tuah in duhphorhnak an tuahnak ah Ministry of Electricity and Energy le Ministry of Construction ih nica hnatuan tel in hnatuantu tampi an rak tel.
Cui CDM tuahtu hnatuantu pawl cu tui’ caan tiang an hnatuan le thlahlawh taan in harsatnak a phunphun tang ah tumruh zet ih tangin a fek zet mi lungput thawn rampi hrang pumpek in ral an do rero a si.
Ministry of Construction dinsuah a si hlang sung tuanvo lak ih tuahtuannak a nei rero tu NUG ih Ministry of Electricity and Energy dinhmun in Ministry of Electricity and Energy le Ministry of Construction ihsin CDM tuahnak ih teltu miraltha nica hnatuan pawl sunloih upatpeknak ah a tui dothlengnak tuah caan kum 2021, February 1 ihsi thok in rampi ih acozah hnatuan ah kan nemhnget a si tiah NUG ih Ministry of Electricity and Energy in an thuhthannak ah an tarlang.
Dothlengnak theh tik ih hnatuan an luh tik ah a tu ih nemhnget le thunlutmi hnatuantu pawl cu an thiamnak cekfelnak camibuai tuahsak an si dingih an thiamnak vekin dinhmun pek an si ding tiah theih a si.