National Unity Consultative Council (NUCC) cun October 3, 2022 ni ah A voi (2) nak People Assembly an tuah ding thu thawn pehpar in thuthannak ca an suah.
NUCC cun Federal Democracy Charter vek in People Assembly (Pyituh Ngyilakhan) cu thla (6) voi (1) tuah ding an si ih 2022 kum January thla ah voikhat an rak nei zo ih cui Assembly ah Thalau Dothlengnak thawn pehpar in a thupi zetmi leirel nemhngetnak pawl khal an rak tuah thei tiah an sim.
A voi (2) nak People Assembly cu July thla ah nei ding an si nan ramkhelnak thawn pehpar in thil cangmi dangdang par ah Thalpau Dothlengnak a cak sin sawn nak hrang ruahrel le rem danglam tulmi thil pawl a rak pawt sal ruangah People Assembly a voi (2) nak cu a tikcu khiah mi caan ah an rak tuah thei lo.
Thalpau Dothlengnak a cak sin sawn nak hrang ruahrel le rem danglam tulmi thil pawl tuahfelnak an neih theh veten a voi (2) nak People Assembly hi an tuah cih ding tiah NUCC cun an thuthannak ah an tarlang.
