NUG acozah ih Ministry of Home Affairs and Immigration cun October 6, 2022 ni ah UN ih pawlkom pawl, international pawlkom pawl le NGO pawl hnen ah SAC ralhrang ih tirhfung Pyu Saw Hti pawl in PDF vek ih um in NUG acozah thangsia dingin an tawlrel ruangah ralring dingin theihternak le thuthannak ca an suah.
Thuthannak ca ah Ministry of Home Affairs and Immigration cun SAC ralhrang ih tirhfung Pyu Saw Hti pawl in PDF vek ih um in NUG acozah thangsia dingin an tawlrel ruangah NUG ih thuneihnak tangih um mi Sagaing ramthen le Magwe ramthen ah feh in bomnak hnatuan tuan dingih feh tik ah PDF vek ih lemcang Pyu Saw Hti pawl ih hnaihnoknak tonglo dingin humhualnak le tanpinak pawl cu a hmun ram ih umtu Khawtlang Uknak Pawlkom (Public Administration) pawl le PDF pawl tha te ih pehtlaih nei thei dingin Ministry of Home Affairs and Immigration ih pehtlaih theu dingah an tarlang.