The Rihli Voice
December 31, 2022
SAC ralhrang in kum 2021 February 1 ah dan lo in hramhram ih uknak an lak hnu Chin ramkulh sung biakinn 60 lenglo an siatsuah zo tiah theih a si.
Hi thuthawn pehpar in CHRO cun December 30 ah SAC ralhrang in a hlawhtling lo mi hramhram ih uknak lak an tum in Chin ramkulh sung vial ah biak inn 60 lenglo le biaknak thawn hnamhnoih mi kai, that, ur, siatbalnak an tuah tin thu an suah.
Cuvek thotho in CHRO cun December 5 ihsin an kaih mi Kachin Baptist Pastor hlun Rev. Dr. Hkalam Samson le Chin Pastor Rev. Thian Lian Sang cu thahawknak thawn hnamhnawih mi daan thawn kum 23 thawng tla dingih hremnak cu tu rori ah puhmawh um lo ih thlah dingin dilnak an nei.
SAC ralhrang in dik lo zet ih hramhram ih uknak an lak ihsin tuini tiang kaihkhih a tongtu mipum 13217 an um ih cumi sungah 1923 cu thawngtlak an si tin Ramkhel thawngtla bawmtu pawl (AAPP) cun an tarlang.