CDF-Thangtlang Battalion 4 ih mipi ralkap 4 bomb puak ruangih hliamtuar mi lak ihsin 2 cu mual an liam tiah theih a si.
CDF-Thantlang Battalion 4 ih hliamhma tuartu pawl cu Joel Thang (Sihhmuh), Tum Bawi Tling (Lungler), Lal Pek Lian (Lungler) le Biak Tha Peng (Zaangtlang) pawl an si ih ram le miphun hrang hnatuan ih nunnak a liamtu cu Tum Bawi Tling (Lungler) le Lal Pek Lian (Lungler) te an si.
Hi bomb puak mi hi Lungler sakhan hlun bomb thianfainak an tuahmi ihsin an lak mi bomb a si tiah thuthang a rak um nan CDF- Thantlang ih hruaitu pakhat cun “Lungler sakhan ih ta bomb kan rak timi kha kan zoh sal tik ah a rak si lo. Hi bomb hi plastic a si ih, Lungler ihsin kan lak mi ah plastic bomb a tel lo. Curuangah hi bomb hi Lunler sakhan ih lak mi bomb a si lo” tiah a sim.
Source : CBN News