CDF-Zotung, CDF-Zophei, CDF-Lautu, CDF-Mara, CDF-Senthang (ZZMLS) unauza komkhawmawk pawlkom cun October 3 ni ah CDF-Mara headquarters ihsin brigade (2) battalion (3) ah hriamhrei kenglo le zaran thuamhnaw thawn a feh mi CDF-Mara ralkap pawl cu Mara Defense Force (MDF) in tumtahnak nei zet ih an rak kap mi thawn pehpar in October 7 ni ah thusuahnak an nei.
MDF hin SAC ralhrang do lo in SAC ralhrang a dotu CDF-Mara pawl hi march 25, 2022 ni le October 3, 2022 ni ah tin’ tumhnih rori an kap zo ih hivek ih thil sual an tuahsal a si ahcun ZZMLS in zoh men nawn lo in kan cingfel pi ding a si tiah an thuthan ca ah an tarlang.
