Elon Musk in a sim theumi Tesla robot car cu official takin a thanzo. Tesla Cybercab tiah hmin an pek mi, mawtaw mawnnak Steering wheel le kepalnak um loin amah teih a mawngaw theimi mawtaw a si.
Science fiction zuknung bangin a hmailam ih ra lai dingmi design thawn tuahmi a si. Cun minung pa 2 lawng an to thei ding. Sangka pawl cu a tlun lam ih on a tul. Charging port um loin wireless in charge a theih ding tiah Musk cun a sim.
Musk cun robot car cu 2026 ah tuahṭheh a si ding ih, 2027 tiangtla a tlai deuh men thei tin a sim.
Musk in a simmi cu mah tein mawtaw mawngaw theinak technology cu minung in a mawng mi mawtaw hnakin a let 10 in let 20 tiang a him deuh tiah a ti. Accident lam thu khalah mitampi nunnak a humhim thei sawn ih, hliamtuarnak khal a kham thei tiah a ti.