Pumpi nat-hrik (H.Pylori) ti mi cu bacteria nat-hrik phun khat asi ih pumpi le rilpi sungah a um. rilpi thling, Ril hma le cancer pawl a cangter tu nat-hrik asi.
Suan-awk daan
1. Cil
2. Khadih
3. Luak
4. Ek le
5. A tlun lam tarlang mi pawl thawn a dai-awk ngahmi tidai, rawl in/ei nak in a suan-awk thei.
Minung aburpi ih umnak camp, mipum tam umnak inn tivek ah rawleinak pakan, daarhai pawl hmantlangnak le tidai thiangfai a um lonak hmun ah natnak a cang tam.
H.pylori nat-hrik nei tui hrek khat pawl cu nat pianhmang lang lo in a um thei. Mi hrek khat ahcun,
1. Pum na
2. Awm lingkang
3. Luaksuak
4. Pumpi cak lo
5. Cing-irh tam
6. Rawlei duhnak thinlung nei lo
7. Ek dum thawh, coffee rawng luaklauk pawl an si.
H.pyloris nat nei le nei lo ziangtin cek a theih?
1. Thi ceknak – H.pyloris antibody test
2. Thaw-thawtnak lam ceknak – Urea breath test
3. Ek ih ceknak- stool antigen tests, stool PCR tests
4. Hman-piawng thawn ceknak pawl ansi.
Kham-awk daan
1. Thil le ri mahten adangteih hman ding
2. Bungbel pawl faiten kholh ding
3. Tidai thiang ngah ding ih tuah ding
4. Kut faiten kholh ding pawl ansi.
Zingbawl-awknak; nat-hrik neih ti fiangten theih asi ahcun nat-hrik a that thei tu sii (antibiotic) ni (14) sung pelh lo in ei asile dam ko zingbawl-awk a theih.
Crd : Chin Telehealth