Kapawknak cawlhrih ding ih dilnak Israel in cohlang lo
Israel-Lebanon ramri tluan ih doawknak cu ni 21 sung cawl ding in an dilmi cu Israel Foreign Minister Israel Katz in a co hlang lo. European Union, America, France ram leh adang ram pa(8) pawl ih ni 21 sung kapawknak cawlhrih ding in an dilmi a si.
Israel leh Hezbollah pawl karlak ih eltaiawknak cu kan cohlan theimi thil a si lo ruangah tile ramri ah cang ding awm-ang lo pi in tihnung rapthlak tiang thil a thleng.
Hivek eltaiawknam ruangah Israel lam siseh Lebanon lam in siseh an mipi pawl hrang ah thiltha a suahpit lo a si. Curuang ih kahawknak cawlhrih ding in ram(8): Australia, Canada, Germany, Italy, Japan, Saudi Arabia, United Arab Emirates(UAE) leh Qatar pawl telin an dil mi a siih, kahawknak nan cawlh a si le Diplomatically takin cingfeldan ruatkhawm a theih ding a si tin cui a diltu ram pawl cun an sim fawn.
Cumi thawn pehpar in, Israel Prime Minister ih thulehnak cu a um hrih lo nan Israel ralkap lam thazang suahsin ih va do vivo bet ding in Prime Minister Benjamin Netanyahu ih Office in thu pek an suah deuhdeuh ti a si.
Hivekih doawknak a thok zarhkar ihsin Israel leh Lebanon eltaiawknak ruangih mithi pawl cu riahsiatza ngai” in 1990 luanlai a si zo.
Himi doawknak hi a herliam zomi can Lebanon ramsung (Civil War) thluh hnu ih kahawknak rapthlakbik ti a si. Israel lam in Hezbollah militant pawl hriamhrei retnak-inn (Warehouse) siseh Missile shelf pawl thawn Lebanon Eastern leh Lebanon Southern ih um Hezbollah target zaten 75 rori vanzuang raldonak thawn an kapsak thu khal Israel ralkap lam in an tarlang tel.