Kareni ramsung ah tualsungmi thawngsawmthum kiangkap in tilik (tilian) harnak an tong ih Monster creek tilian ruangah veng tam sawn cu tidai in a khuhpil
Kareni state- Loikaw city ah Monster creek tilian kainak ruangah khawsung veng tamsawn ah ti in a khuhpil. Kareni peng tlang ah September 10,2024 ihsin ruahti nasa tei a surnak ruangah an pengsung ih mipi thawng (30) luan in tilian harsatnak an tuar rero thu theih a si. Inle lake leh Phekhung tili lam ihsin a rami tilian hleiah ruahsur tuknak ruangih Monster creek ti pawl a kaiso vivo ruangah Loikaw city vengsung a simi Namkuat, Minsuh, Dawnuhku, Shanpai, Shwetaung veng pawl siseh, Phayapyu leh Phayani khua pawl cu tilik (tilian) in a khuh thu theih a si.
Tufang tilik (tilian) harsatnak tuar rero nak hmun pengtlang hmun tamsawn ah SAC lawng an um. SAC an um ruangah thuhla felfai kan theilo. Bilu Chaung tilian runag ah Loikaw khawpi khal ti in a khuh ih veng tamsawn cu Bilu Chaung ihsin luangmi tivate pawl in ti thlen theinak hmun pawl cu tidai in a khuh theh tin kan thei. Karenni ram ah tuizarh sung ruah catlo in a sur ih Phekhung, Loikaw, Demoso, Froso le Shataw peng pawl ah tiik le leimin nak a can ruang ah raltlan pawl telin tilik tuar tualsung mipi thawng 30 kiangkap an um.
Tilik tuar mipi a tam vivo vekin, ti le rawl ei sung ding leh a tlangpi tulsam mi tidai (clean drinking water), sivai (medicine), tlunkhuh (Shelter/refuge) tivek pawl an tul zet tithu Kareni-(IEC) hnen ihsin theih a siih, IEC sung Humanitarian Affairs department ih Chief of Information mi pakhat in hitin a sim pengtlang sung mipi pawl in zianghman theihcia nak le ralrin cianak um loin rinlo pin hitivek in tilian a sosang ruangah kan khua le ram pawl tidai in a khuh mi ah kan hni le puan le kan tulmi tekrek tiang mang in a khuh cih thluh zo hnu hman ah cawl lawn ruahpi sur le tilik (tilian) a um peh vivo hrih lai tikah khua pakhat le pakhat feh tlang-pehtlaih awk thei loin kan um ih sivai pawl an tul zet nan palkai awk a theih lo.
Thimnakah: Demawsu nisuahnak lam punchaung tluan i ralhrang tih i ralkian pawl Camp pakhat le pakhat palkai aw ding cun Motor le lawngfate (Boat) tipawl an hmang theu a sinan tu dinhmun ah cun tilian in a kham thluh ruangah bawm le pehtlaih awk duh khal le palkai awk a harsa. Sinan umsungnak le beu nak hawlih kan um phah a tul thotho tikah beunak Shelter ti pawl an tul zet nan a rem can dandan in an um sungruri hai tin a sim.
Tunah cun Monster creek tiva lam cu ti a tamkai so rero lai ko nan, Poon tiva lam cu a tla niam sal rero ve thlang thung ih, umsungnak hawlih a vavai rero mi mipi hrang tulsammi bawm duhtu le vehvai duhtu cun bawm le vehvaih a theih thlang ko tin ICE cun thuthan a tuah.
Cule khon thil pakhat a ra lang: Cumi cu tutakfang South China Tipi (sea) ih a cang rero mi Speed of tropical depression ruangah Myanmar ramsung ah a ra lai ding mi September 21-25 karlak khi (Whirlwind) thlisia a ra thleng thei ih Kareni-Naypyitaw-Mandalay-Magwe-Pagoo-Shan-rakhine-Karen-Mon tipawl hmun ah thli le ruah nasaten a thleng thei a si tin Weather forecast an suah.