Leptospirosis natnak a suahdan
Leptospirosis natnak a cangtertu Leptospira timi bacteria ruangah a siih, cui nathrik cu zinghnam bangtuk khur sung-um ramsa pawlih zin ihsin minung a suanih nunnak liamter theimi nat a si.
Ziangtin a suan-aw thei?
Nathrik phurtu khur sung-um ramsa pawl le inn zuat ttilva a simi uico, vok, caw, naa le rang pawlih zin tongthamnak ruangah.
Leptospira nathrik a neimi ramsa pawlih zin thawhnak hmun (leilung le tiva) pawl tongthamnak ruangah.
Nathrik a telmi rawl le tidai in/ei nak ruangah.
Taksa hma le taksa pem ihsin nat a kai ol cuang.
Nat pianhmang pawl
Taksaa
khur
Lu naa
Taksa naa
Luaksuak
Sungdok
Pum naa
Nat a luar caan ih pianhmang pawl
Mit aihre (Mit eng),
Taksa eng
Khuhkhuh tikah khaak ah thii tel
Thawthawt har
Zin-ek ah thii tel
Taksa ah a sen bol suak
A tlunlamih nat pianhmang pawl kan tuar asile harhdamnaklam ttuanvo neitu pawl hnenah pan lohli a ttul.
Nat ngah olcuangmi pawl
Lothlo pawl
Ramsa, rannung zuat in pumcawmnak hawl pawl
Tidai ih hnatuantu pawl
Hramlak feh tam pawl (Tthimnak: Ram tawi Pawl)
Zinghnam tamnak hmun le a thiangfai lonak hmunih hnatuantu pawl
Ziangtin kan kham-aw thei ding
Nathrik phurtu ramsa pawl tham lo ding.
Fuurpi tilik, tilian ttheh pekte caan tiva ah vak/lek lo ding.
Ti sauh-that in ding
Ramsa ek umnak leilung, tidai lakih hnatuantu pawl hrangah buut sau, kuthruk pawl tthatein hrukih hna tuan ding.
Taksa pem, hma kan nei asile tidai ciar thei lomi plastic thawn tthate’n erh ding.
Rawl-ei hlanah satpia thawn faite’n kut kholh ringring ding.
Rawl hleifuan pawl felfaizet in hnawmbawm ah hlon ding. Duhduhnak hmunah hlon hluahhlo men lo ding.
Hminsin: Hih natnak hi natnak dang pianhmang thawn an bang-awkzet ruangah nat pianhmang tuar vete’n harhdamnaklam ttuanvo neitu pawl hnen pan lohli ding.
Crd : Chin Telehealth