NATO timi cu ziang a si? Ziangtluk in humhimawknak lam ah an tuahthaaw bet?
Europe ram le North America ram ih um mi, ralkap tangtlang (NATO) pawl cuntui July ni 9 ah America ram, Washington khawpi ah an pawlkom an rak din, kum 75 kim cam hmangphah in, thurelkhawmnak an nei. Washington khawpi hi NATO anrak din thoknak khawpi khal a si.
Tufang hi NATO sungtel ram pawl cun santhuanthu sungih a harsabik caan, an paltlang rero laifang a si. NATO sungtel ram pawl cun mah le mah humhimawknak ding hrang, ralthaum tha tha nei dingin, an zuamrerolai fang, Russia in Ukraine ramri a nor ruangahdoawknaknasatuk in a suak. Cumi khalahcun NATO sungtel ram pawl in Ukraine ram cu ralthuam bawm vivo dingih an zuam lai fang a si.
NATO timi cu ziang a si? Ziangtik ah anrak din?
North Atlantic hminkhen NATO cu 1949 kum ah ram 12 in anrak din ih, cumisungah America, Britain, Canada le France ram pawl an tel.
Himi hminkhen NATO pawlkom cu Washington DC ih Mellon Auditorium ah an rakneiih, sungtel ram hruaitupawl in, kum tin thurelkhawmnak, July 9 ihsin ni 11 tiang an tuah. NATO sungtel ram ih an rak tumtah mi cu caankhat lai Russia ram tel in Communist President ram pawl tel mi Soviet rampi in Europe khawmual ah hmun ram nor thei lo dingin an raktuah mi a si.
NATO sungtel ram pawl cunansungtel ram pakhatkhat, do an tuar asile ramdang pawl khal in cui an sungtel ram dotu cu rak humpi thei dingin lungkim tlangnak an nei. NATO pawlkom cun an pawlkom ih ralkap ti cun a hran ten an nei lo. A sinan sungtel ram pawl in harsatnak an tongih a sanletnak an tuah ding asile an ralkap pawl cu hmunkhat ah an tangih an tuah khawm theh.
Tahthimnak ah NATO sungtel ram pawl cun 1992 kum ihsin 2004 kum sungih cangmi Yugoslavia ram hlun thawn, ralbuainak ah lailak ihsin thu then saktu UN an rak dinpi. Miphun pakhat cimit dingih doawknak pawl, cawl dingin le remdaihnak thawn rualremnak tuah thei dingin van ralkap le lei ralkap thazang an hmang.
NATO sungtel ram pawl cun raldonak lam khal ah khat le khatrawn aw derh do in anfehih, raldo zirnak lam khal ah hmunkhat ah raldo zirtlangnak an nei. Russia in Ukraine ram cu 2022 kum, February thlaih an va nor ihsin NATO sungtel ram pawl in “An sungtel ram pawl ih, kilhimnak hrang tiang a tihnungzo” tiah an sim.
NATO hruaitu tuanvo la ih, a tik cu cemthlangding mi General Secretary Jens Stoltenberg cun Washington DC ih an tuah mi NATO sungtel, ram hruaitu pawl, thurel khawmnak ah sungtel ram pawl ih humhimawk nak,an thazang ziang tin kan tuahtha ding timi le Ukraine ram ralthuam catthla lo dingin ziang tin kan bawm ding timi kan rel tiah a sim.
Ziangram pawl NATO ramsung ah antel
NATO pawlkom sungah Europe khawmual le North America hleiah Britain, America, Canada, France, Germany, Italy, Spain le Turkey ram pawl khaltel in ram 32 an um.
Soviet ramdinkhawm 1991 ih a kekdarh hnu, Albania, Bulgaria, Hungary, Poland, People’s Czech of Republic, Slovakia, Romania, Lithuania, Lavita le Estonia tivek Europe nisuahnak lam ih ram pawl khal NATO pawlkom sungah an luttheh. Russia thawn leiram hmun 1340 ramria dai aw mi, km 83 tiang dai aw mi, Poland ram khal 2023, April thla ah, NATO sungtel ram ah an tel. Sweden ram cu 2024, March thla ah sungtel ah an cohlang.
Himi ram pahnih cu 2022 kum, March thla ah sungtel sinak an rakdil mi a si. Russia pawl in Ukraine ram an va nor hnu, tik cu rei lo te ah sungtel pakhat ih an rakpom mi a si. Himi ram pahnih hiraldonak, ramkhel lam thuhla pawl ah kum 10 tel in, lamtang nei lo in an rak um. Ukraine, Bosnia, Herzegovina le Georgia ram pawl khal NATO sungtel ram pakhat ih tel thei dingin an zuamrero lai fang a si.
Humhimawknak ding hrangah NATO sungtel ram pawl in ziangzat an hmang?
Humhimawknak ding hrangah ram pakhat cio ih GDP sumlut ihsin zatek 2 ciar hmang dingah NATO cun a sungtel ram pawl a forh. Cumi sungah ram 23 pawl in 2024 kum ah cun an bi khiah mi zat, kim dingin an hmang. 2014 kumhrawng ah tlacun an bikhiahzat ih a rakhmang theitu ngaingai cu ram 3 lawng an rak um.
America President Donald Trump in President tuanvo a raklak lai le hrilawknak hrang vote an hawllai ah NATO sungtel ram pawl dinhmun in, humhimawknak hrang sumpai an hman mi tthantheh dingih an rakforh mi a si. Himi tluk tiang kan hmang lo asile Russia in NATO sungtel ram pawl cu duhdawk in a do thei ringring, titian in sumpai an hmang ding thu ah elawknak pawl a rak um.
Russia dokalh dingin NATO ram pawl in ziangtluk in humhimawknak lam an timtuah aw? An tuahtha aw?
2023 kumahcun NATO sungtel ram pawl ih ralbawi pawl in Arctic, North Atlantic, Europe central asilole Mediterranean ram ih khuitawk hmun khal, Russia pawl ihan mi nor theinak hmuahhmuah sanletnak nei thei dingin cipciar in khawkhannak an tuah.
Europe khawmual ah an ralkap pawl an darhtheh vek in, ralkap thazang thawng 40 ih sin thawng 300 (ting 3) tiang an ret. Russia ram thawn ramri an daiawknak ramri tluan pawl khalah raldotu ding pawlkom 8 tiang an ret ih, cuang pawl ih raldo theinak ding, ralthaum an hmanter mi pawl khal santhar thiam hlir ih, an tuahmi le ralthuam thatha thawn an thuam that theh.
NATO sungtel pawl in Ukraine ram cu ziangvek ralthuam pawl anpe?
Pawlkompi dinhmun cun NATO in Ukraine ram cu ralthaum zianghman a pehrih lo. Asinan sungtel ram pakhatcio cun Ukraine ram cu ralthuam an kuat rero zo.
America ram, Britain ram, Germany ram, Turkey ram le a dang ram pawl in Tank kahparhnak ralthuam pawl, missile lak ihsin humhimawknak ding ralthuam pawl, Machine gun pawl, raldonak Tank pawl le ralkap hman mi drone pawl an kuat rero zo. America, Britain ram le France ram pawl in hmunhla kah nak (Long range missile) pawl an kuat.
Germany ram hliakhlainaktuahtu Kiel Institute thuphuangtupaireldanahcun America in Ukraine ram cu raldonakhrangralthuambawmdingin Euro billion 50.4 lenglo an hmangzoih, Europe khawmualih um mi NATO sungtel Denmark, Germany, Netherlands, Poland le Britain ram pawl khal in anzaten Euro billion 32 tiang an bawmzotiah a sim.
Asinan Ukraine ralkap pawl cun Russia ralkap pawl ih an rak nor rero mi pawl rakkham dingah missile le ralthuampi bomb pawl an haidaihaw lo ruangah an ram an thlauthlak mi pawlkhal a um phahphah rero zo. Ukraine ram ralthaum bawmnak ding hrang daan an tuahmi cu America Congress sungah do kalhtu an rak um ruangah ralthaum pesuak thei lo in caan reipi an rak um.
America ram cunan ram tuah mi F16 raldonak vanzam pawl cu Ukraine ram peding ah NATO sungtel Denmark le Netherland ram cu siannak an rakpe. Himi vanzam pawl boruak ih a zamsuah theinak ding ah Ukraine van ralkap pawl tiang, a hman dan an zirh ih, kan kuatthok thlang ding tiah an sim.
Asinan NATO sungtel ram pawl cun Ukraine ramsung ah an ralkap pawl tiang thlah mi an neih hrihlo vek in, an ram boruak sung ah vanzam fehtheilonak hmun tuahsak ding in an ramsung ih Ariport pawl hmansak ding khal an siang lo. Hivek ih an sianlonak cu ram pahnih karlak buainak hi Russia thawn an karlak hmaiton ih khikaw thei dinhmun an si raungah a si.
Ukraine ram hi NATO sungtel sung ah ziangtik hrawng an lutthei ding?
Ukraine President VolodymyrZelenskyycun Ukraine ram cu NATO sungtel ram silohli dingin a dilzawk rero. NATO General Secretary Jens Stoltenberg cun Ukraine ram, NATO sungtel sinak an dil mi thawn pehpar in “lo theih lo ih” ralut dingmi an sitiah a sim ih asinan himi thuhla cu Russia thawn an karlak buainak a rehhnu lawng ah a cangthei ding tiah a sim.
NATO sungtel ram pawl cun Ukraine ram cu an sungtel si dingin nuamnai teten an si vivo ding tiah 2008 kum ah an raksim. Russia thung cun Ukraine ram cu NATO sungtel ram ih an si ding catbanglo in an rak do kalh. Ziangruang tile Russia ram ih a rakphanthup mi cu NATO sungtel ram ih an ralkap pawl cu an ramri tluan ih an um theh ding ruangah a si.
2023 kum, July thla ah America ih hoha mi Ukraine ralkap pehtlaihtu pawl cun Ukraine ram bawm ding thu le Russia ral ihsin an humawk thei nak dingah raldo dan tiang zirhaw dingin an rak rel. NATO sungtel ram pawl cun a rading mi kum 5 sungah Ukraine ram cu ralthaum bawmnak US dollar billion 100 tiang pe dingin an rel cat ih, cumi tuanvo khal hlensuak an tum.