Ralbuainak hmun pawl ih ti a lik hnu ralrin dingmi le himnak hrang ih tuah ding mi pawl
Ralbuainak hmun pawl ih ti a lik hnu runbawmnak lam pawlkom pawl in a himzo tin an thanhnu lawngah mai umnak hmun ih tlung ding a thupi.
Phuhrin harsatnak a can hnu Ruahtam tilian nak ruangah Leilung a ciar a nem ih olaiten thawnawknak, tlang cim in Leiminnak pawl a cang ih thil phummi pawl leipar ah an rasuak thei. Curuang ah ralbuainak hmun pawl ah leisung phummi bomb le a puak theimi tihnung thilri pawl an thawnaw in a puak thei ruang ah a tanglam ih nganmi vek in ralrin a tul.
1. Tisung fiangten hmuh a theihlo le tul hnailo in lam zawh hlah.
2. A ritmi thilri pawl leipar na thum tikah leipar kha a him maw tin thaten check hnu in ret aw.
3. Na thlendah hrihlonak hmun pawl cu hmunram theifiangtu telloin vak hlah.
4. Hmin theilo mi rinhleh mi thilri pawl na hmuh a si le tham lo ding.
5. Rallam thawn pehper mi thilri pawl na hmuh a si le tuanvo neitu pawl sim thei cih aw.
6. Nauhak pawl cu a tihnunnak hmun thawn hlatnak ah ret aw.
7. Tih a nung thu midang khal ralrinnak pe aw.
8. Na hmai ah rinlopin siatsuahawknak a cang a si le a ranglam in runbawm thei ding in First aid tuamhlawm dan pawl zir cia aw.
Mipi pawl tihnunnak umlo ding in ralrin theinak ding ah NUG humhimnak lam tlangbawi zung in theihternak an nei.