Ralhrang in ramkhel thu relkhawm tlang ding ih a kawh naksan a sim
Leitlun pum huap ih zuamawk rero lai ah ramsung rualremnak a um lo a si ah cun kan rampi tiang kan hloh phah pang ding ti phang in ramsung lungrualnak ngaihtuah in ramkhelthu relkhawm tlang ding ih kan sawmnak a si tin september 27 zan ah a sim.
Myanmar ramsung miphun hriamkai (Ethnic armed organization) pawl leh PDF pawl cu ramkhel thu relkhawmnak nei ding in september 26 ih a rak sawmnak thuthaw pehparin ralhranglam Spokesperson major general Zaw Min Tun cun an kuthnuai media pawl hnen ah a sim thei hai.
Leitlun ram picang pawl Rusia, Ukraine buainak siseh, Middle East buainak leh southern china tilipi laifang buainak thu pawl hi a maksakmi thil pawl an si. Culai ah kan nih vek ram tenau dinhmun in ramsung lungrualnak kan tul a si. Ramsung lungrualnak a siat vivo pang sile ramtin zuamawk rero laiah kan nih cu kan ram tiang kan hloh pang ding.
Curuangah ramsung rualrem theinak tumtah in Party tin democracy system vekih fehsal theinak hrang election shelf kan thok rero thlang bang in ramsung mi asi mi hmuahhmuah cun khuihmun khalih an umnak hmun ciarin vote thlak theinak hrang lamzin phunphun hawlsuah ding tumtah a si tithu pawl leh kan ramsung ah tilian harsatnak nasa ten an tong rero mi pawl remthat kir sal theinak hrang daihnak lamzin kan zawh hai pei uh tin zangfah kan dilnak a si tin a sim.
Cumi cu ramsung buainak a daih ding duhtu tlangpar hriamkai hrekkhat leh international organization, Domestic organization sungih upa pawl duhdan a si ruang khalah a si tim a sim. A sinan himi ralhrang ngennak pawl cu NUG telin revolutionary group pawl in an cohlang lo ih an refused sak. Ralhrang doletnak a tuahtu NUG hnuai ih PDF pawl leh NUG hnuai um lo mi PDF – hriamkai pawl hnenih ralhrang lam in rualremnak tuah a dil hi a voikhatnak a siih, tuihlan ah cun doletnak tuahtu hmuahhmuah cimit thluh ko a nuai ding thu ralhranglam ralbawi pawlin tu le tu rori an rak sim rero mi a si.