Ralhrang in politics cu politics lamzin vekten cingfel ding a si tin mi a sawm nak cu hrawkhrolnak thawi sawmnak maimai a si ih, Miphun hriamkai le Mipi ralkap pawl siseh an mah thawi neihniam aw mi ramdang le ramtin hmuhnak ih mitha si an tumnak men a si.
NUG le NUCC dinhmun in federal democracy Covenant thawi milin a dik lomi thuneihnak cemnet tiang termination, federal democracy union tundin theinak hrang politics lam khihhmuhtu map (12) points hman thei dan a tawlrel rero lai thu khal a ngan ih, Ralhrang pawl hi cu ramtin in siseh ramsung ah siseh presure a rat tam deuh tinten election a silole a lem ih rualremnak reltlangnak tivek pawl cu a tuah theu dan kel a si ko. Mipi țulmi taktak remdaihnak le rualremnak taktak cu ziangtik hman ah a tuah suak taktak dah lo tin a sim.
Ralhrang in thuneihnak dik lo zetin an lak thok pek lai ihsin siat a si zo mi 2008 Constitution hmang tahratih tuahmi politics cu kan cohlang lo. Cun ralhrang in mipum siarnak (cencus) an lak rero mi tel in alem rampi hrilawknak cu kan pom lo ih kan do let ding a si. Cumi hrang ah Cooperative Committee khal an din zo.
Ralhrang in zohthim ding ramtin zuamawknak pawl karlakah ramsung lungrualnak a um lo cun kan ram tiang kan hloh thei ruangah ramsung lungrual nak thlir in politics rualremnak reltlang kan duhnak a si tin september 27 ah an rak sim.