Russia ih vanzam ramri lan nak parah Japan in nasaten dem
Russia Patrol aircraft pawl Japan aviation sung voi (3) rori an lut thu thawn pehparin, Russia cu nasa ten an dem thu Japan Defense Minister Minoru Kihara cun september 23 ah a sim. Himi thi 2019 hnu a voi khatnak Russia pawl in ramri lan in vanzam ra lutnak a si.
Cutivek ih Russia in a tuah ruangah Japan ralkap in Fighter aircraft pawl a rang thei bik in a thlah hnu radio thawn signal light pawl a kap suak ih cutin ralrin nak a pek thu Japan Defense Minister Minoru Kihara cun a sim.
Japan neih(own) Hokkaido island sung um Rubun island kiang Water area sung tiang Russia pawlih (iL-38) Patrol aircraft pawl cu voithum rori an lut a si ti confirm nak a neih thei thu Minister Kihara cun a sim bet.
Tuvek ih thilthleng mi hi a tumtham mi Violation rori a si ruangah hithu hi diplomatic route fehtlang in Russia a cuzah parah nasa takih restrict nak thu an theh lut zo tin Minister Kihara in a sim.
Ukraine cu russia in Invasion war ah Japan in Western countries pawl thawn a dinpi ih Ukraine hrangah Finance leh a dang thil le ri a bawm hlei ah russia rammi organization hrekhat par khalih sanctions khal a tuah a si.