Mithiam pawlin thansonak timi cu
- Ram mipi a tam sawn tuihlan hnakin ca an thaim maw
- Ram mipi a tam sawn tuihlan hnakin an harhdam maw timi in an tah theu.
Cathiam le mi harhdam mipi um loin ram pakhat a thangso theilo. Ca thiamlo in mumal lo hlir umnak ram kha thangso uh ti a theih lo. Ca kan thiamlo kan fimlo a sile ziang kan tuahduh khal ah mi hnen ih bomnak kan dil atul. Mi kan rinsan a tul.
Cun kan harhdam cakvak lole san a tawi. Zalennak, zohman tih tullonak, dikfel zetih hrilawknak pawl tla hi cathiam fimvar le harhdamnak pawl dungih thlun vivo a si.
Mi ramah hnenum kan tuan, kuli kan hlawhmi pawl, natnak thalo cancer a tam pawl kan sinak, kan ei le in a thianghlim lo mi, sii le dat thalo an telhmi le mi ram ihsin kan lei mi ei le in pawl ruangih thihnak, ram sungih an suanmi zuu thalo pawl ruangih thih cu lo kan thihmi pawl a tamtuk.
Ca kan thiam, kan fimvar a si le harhdamnak thu kan theithiam thei ding.
Cangantu : DKK