Thinlunglam nat hi leitlun huapin a cang tamzetmi thinlung dam lonak phunkhat a siih mipa hnakin nunau hnenah a cang tam. Thinlunglam nat hrangah a thazetmi thuamhlawm-awknak a um rero zo. Thuamhlawm-awk lo asile mah le mah that-awknak thiang a thlengter thei.
Thinlunglam nat pianhmang pawl
– Riahsia, mahte lawng paak deuhih um
– Thu thate’n ruat thei nawn lo
– Mah le mah santlai lotuk asilole mawh nei vekih ruahawk
– Hmailam ah ruahsan ding nei lo ti’n ruat
– Mah le mah that-awk duhnak
– Zan itthat thei lonak
– Rawl ei daan danglamnak le taksa tumsuk lam pan (Weigh loss)
– Thintawi, hngirteu
– Taksa caau
Thinlunglam nat a cangsuaktertu
– A buaizetmi pehtlaih-awknak, thinlunglam le taksalam ih tur nak
– Hnatuan sunralnak, rinsanzetmi pakhat caan/ sunralnak
– Nauhak lai ih mai’ innsang ah vuakvelh le nehsawhnak a tuartu pawl
– Zu, riit thei sii thamnak
– Nunau pawl naupai lai le nau neih caan ah a cang thei.
Tuamhlawm-awk daan
1. Daan vek ih tuamhlawm-awknak
o A danglam deuhmi cangvaih daan pawl tuah dingih forfial ding.
o Khawruah daan, buainak ton caanih pahtlang theidan lamzin thar sim-relpi.
o Biak-awknak “tongkam” thawn (Interner (lole) hmaitawn).
o Pawlkom-awknak lam tha deuh dingin bawm ding.
2. Sii thawn tuamhlawm-awknak
o Thinlunglam siibawi pawlih fialmi vekin tuah ding.
Mah le mah thinlunglam nat nei tiih ruah-awk asile,
– Mai’ thinlung nuamter theimi thil pakhatkhat tuah ding.
– Mai’ duhdawtmi innsang, rualpi pawl thawn kom-awk ding.
– Taksa canghvaihnak (exercise) hmaan tein tuah ding.
– Rawlei caan, ih caan bikhiah in a caan hmaan tein tuah thei zuam ding.
– A tha lomi sii/ vaai hmangtu cun hman nawn lo zuam ding.
– Thurontlak mai’ rinsanmi pakhat hnenah thinharnak ruah ding.
Mah le mah that-awk duhnak a um asile,
– Nangmah lawng harnak tuartu na si lo ti kha pomthiam tum aw.
– Nangmai harsatnak kha na rinsan mi hnenah sim aw.
– Thinlunglam siibawi hnenah bomnak dil aw.
Crd : Chintelehealth