Tilik (tilian) ruangah mithi (300) luan an um
RFA ih September 19,2024 zanlam tiang an ngahmi cazin vek a si le, Myanmar ramsung huap tilik(tilian) lei min ruangih thi mi (303) tiang an um ti a si.
Tilik(tilian) ruangih mihlo khal (200) hnakih mal lo hmuh an si nawn lo ih a taktak khal ah mihlo zaten cuhnakin a tam sawn ding zum a um!
”Yagi” thlipi speed ruangih, tilik(tilian) harsat tongnak – Naypyitaw, Pagoo, Magwe, Mandalay, Ayeyarwady, Kayah, Karen, Mon, Shan tipawl ramkulh-pengtlang sungih Myonee-township (56) pawl hi nasa ten tilik le leimin tuar nak hmun pawl a siih, Cumi ah : Mithi cazin hi Shane sate – Kalaw city sungah (100), Mandalay region: Yamethin ah (71), Naypyitaw ah (47), Shan le Kayah pehzomawk nak lamah (24), Tachilek ah (15), Nyaungshwe ah pa(9) Taungoo ah (10), Maikai ah (1), Patingyi ah (1), Yetachi ah (1), Karen ah (5), Pyawbwe ah (3), Wundwin ah (5), Loilem ah (8), Aungpan ah (2) leh Ayeyarwady ah (1) tin mithi cazin an tarlang.
September 12 ih tilik(tilian) ruangah Mandalay region, Yamethi peng-Kanbae khua naih Samung tiva kiang ih um sungkau (family) pakhat cu an pa(4) in an thi tin khawsung mi in an sim ih a thimi hmin pawl tla cu-
- Ko Tan Lin Oo kum (24) mi (Ko Tan Toe Win thawn phir)
- Ko Tan Toe Win
- Mah Zin Ma Moe kum (31) mi (Ko Tan Toe Win ih Nupi)
- Mah Ce Zin Moe kum (2) mi an fanu pawl thawn an si thu leh cui hmun ih hnatuan ih um cih an si vekin tilian rang zet cun rinlo pin a khuhpil hai a si thu phungki pakhat cun a sim.
Cu lo hmundang suikhur laihnak hramlak ram-khua te deuh khal ah Relief an cangvaih thei hrih lo nak tla a um.
Culai ah Ralhrang lam khal cun Myanmar ramsung huap tilik(tilian) ruangah mithi (268) leh mihlo (88) an um tin september 18 ah khan thu an suah hnohno ve.
Cun: United Nations Office for the Coordination of Humanitarian Affairs (UNOCHA) in Myanmar ramsung Regions and states pa(9) ih ramkulh-pengtlang (59) pawlah ruahtam tilian ruangah harnak a tongmi (631,000) an kim thei tin an sim.