Tu le tu zinthawh, zinthawh lai ih asa/ana, zinfik, zinthawh duh nan zin mal tete lawng thawh thei, zin thawh ttheh khal le zin pah vek ih um, zin asen asilole zin ah a baal tel (zin pawl), zin rim sia, taai na, pang na, khuasik ….etc a tlun ih tarlang mi pianhmang pawl tuar asilen zungkawng nat-hrik um natnak asi.
Zinkawng nat-hrik a umnak san pawl cu,
1. Zin pah caan ih zin suupnak ruangah
2. Thianfainak lam daithlannak
3. Tidai in mal nak
4. Kham-awknak hmang lo ih nupa sinak hman
5. Zinkawng ah lung um ruangah
Zinkawng nat-hrik um hi mipa, nunau, nauhak ti lo in a cang thei mi asi ih, nunau pawl le Resistant mal pawl a si mi thi thlumnat nei pawl hnen ah a cang tam.
Kham-awk daan ding,
1. Tidai tam pin in ding
2. Zin suup lo ding
3. Nunau pawl asilen zinthawh theh tinten a hmailam in dunglam ah faiten kholh ding
4. Taksa thiamhlimnak lam ttha ten tuah ding.
Zinkawng nat-hrik um hi tha ten zingbawl-awk lo asilen thi sung tiang nat-hrik a karhzai thei, kaileng a siat thei ih a dang sulhnu natnak pawl a cang thei.
Zinkawng nat-hrik um pianhmang neih asile (or) zumhmaiawk asile Chin Telehealth ah man pek tul lo in zingbawl-awk nak lak a theih.
Crd : Chin Telehealth